Լիբանանում իսրայելական հարվածներից նոր զոհեր են գրանցվել, Տյուրոսի բնակիչներին տարհանման հրաման է տրվել
Լիբանանի առողջապահության նախարարությունը հայտնել է, որ իսրայելական ուժերի կողմից Լիբանանի հարավային Սիդոն քաղաքի վրա իրականացված հարձակման հետևանքով նախնական տվյալներով զոհվել է 8, վիրավորվել՝ 22 քաղաքացի։ Այս մասին հաղորդում է Լիբանանի Ազգային լրատվական գործակալությունը (NNA):
Տեղեկությունների համաձայն՝ Իսրայելը շարունակում է թիրախավորել Լիբանանի հարավում գտնվող տարբեր շրջաններ։
Իսրայելը Լիբանանի Տյուրոս քաղաքի բնակիչներին հրահանգել է անհապաղ լքել իրենց տները՝ նախազգուշացնելով առաջիկա հարվածների մասին։
Իսրայելի բանակի խոսնակը X-ում գրառման մեջ զգուշացրել է, որ հրամանը հատկապես ուղղված է ալ-Աբբասիյա և Շիբրիհա շրջանների բնակիչներին։
Տեղահանված բնակիչներին հրահանգվել է տեղափոխվել Լիբանանի հարավում գտնվող Զահրանի գետից հյուսիս։
Չնայած ԱՄՆ-ի և Իրանի միջև հրադադարի համաձայնությանը՝ Իսրայելի վարչապետ Բենիամին Նեթանյահուն հայտարարել է, որ այն չի տարածվում Լիբանանի վրա, և որ իրենք շարունակելու են հարվածներ հասցնել Լիբանանին։
Լիբանանի աողջապահության նախարարությունը հայտարարել է, որ ապրիլի 7-ի տվյալներով՝ երկրում մարտի 2-ից ի վեր զոհերի ընդհանուր թիվը հասել է 1530-ի, իսկ վիրավորներինը՝ 4812-ի։
Լիբանանը մարտի 2-ից ներքաշվել է Մերձավոր Արևելքի պատերազմի մեջ այն բանից հետո, երբ հաջակցություն Իրանի՝ «Հեզբոլլահ» շարժումը հրթիռներ արձակեց Իսրայելի վրա։ Ի պատասխան՝ Իսրայելը ցամաքային և օդային ինտենսիվ հարձակումներ է իրականացնում Լիբանանում։
