NASA-ի «Արտեմիս-2» մարդատար առաքելությունը ուղևորվել է դեպի Լուսին
NASA-ն հաջողությամբ իրականացրել է «Արտեմիս-2» մարդատար լուսնային առաքելության մեկնարկը․ Orion տիեզերանավը չորս տիեզերագնացներով ուղևորվել է դեպի Լուսին։
Orion տիեզերանավը արձակվել է Ֆլորիդայում գտնվող Քենեդիի տիեզերական կենտրոնի 39A արձակման հարթակից՝ Space Launch System (SLS) հրթիռի միջոցով։
Անձնակազմում ընդգրկված են Ռիդ Ուայզմանը, Ջերեմի Հանսենը, Քրիստինա Կոխը և Վիկտոր Գլովերը։ Գլովերը դարձել է առաջին աֆրոամերիկացին, իսկ Կոխը՝ առաջին կինը, ով մասնակցում է մարդատար լուսնային առաքելությանը։
Առաքելության տևողությունը նախատեսված է շուրջ 10 օր․ տիեզերագնացները պետք է պտտվեն Լուսնի շուրջ և վերադառնան Երկիր։
«Արտեմիս-2»-ը ԱՄՆ նոր լուսնային ծրագրի երկրորդ փուլն է։ Առաջին փուլը՝ «Արտեմիս-1»-ը, իրականացվել էր 2022 թվականին անօդաչու ռեժիմով։
Նշվում է, որ առաքելության մեկնարկը նախկինում հետաձգվել էր տեխնիկական խնդիրների պատճառով՝ կապված SLS հրթիռում հելիումի մատակարարման համակարգի հետ։
