Պենտագոնը պատրաստվում է Իրանի դեմ ցամաքային գործողության, որը կտևի շաբաթներ կամ ամիսներ
Պենտագոնը պատրաստվում է Իրանի դեմ ցամաքային գործողության, որը կտևի շաբաթներ կամ «մի քանի ամիս», գրում է The Washington Post-ը։
Ըստ լրատվամիջոցի՝ ցանկացած հնարավոր ցամաքային արշավ չի լինի լիարժեք ներխուժում։ Այն կարող է ներառել հատուկ գործողությունների ուժերի և սովորական հետևակի կողմից իրականացվող ռեյդեր, լրագրողներին հայտնել են աղբյուրները։
Վերջին մեկ ամսվա ընթացքում Թրամփի վարչակազմի ներսում քննարկումները կենտրոնացած էին Իրանի Խարգ կղզու հնարավոր գրավման, ինչպես նաև Հորմուզի նեղուցի մոտ գտնվող այլ ափամերձ տարածքների վրա ռեյդերի վրա։ Նպատակն է գտնել և ոչնչացնել նավերը թիրախավորելու ունակ զենքերը, բացատրել են աղբյուրները։
Մի աղբյուրի համաձայն, Իրանի տարածքի գրավումը կվնասի կառավարության հեղինակությանը և կստեղծի լրացուցիչ լծակներ բանակցություններում։ Սակայն Միացյալ Նահանգների համար հիմնական մարտահրավերը չի լինի տարածքի գրավումը, այլ այն պահող զորքերի պաշտպանությունը։
