Հրթիռային մարտագլխիկ է ափ դուրս եկել Թուրքիայում Սև ծովի ափին. IHA
Ստամբուլի հյուսիսում գտնվող Սև ծովի ափին հրթիռային մարտագլխիկ է դուրս եկել, մարտի 20-ին հաղորդել է «Իհլաս Հաբեր Աջանսը» (IHA) լրատվական գործակալությունը։
Առարկան հայտնաբերել են Յալըքյոյ գյուղի տեղի բնակիչները։ Դեպքի վայր են կանչվել իրավապահ մարմինները։
Դեպքի վայր ժամանած փորձագետները զննել են մարտագլխիկը և եզրակացրել, որ այն պայթուցիկ նյութեր չի պարունակում։ Թուրք ռումբերի վնասազերծման մասնագետները տեղում ոչնչացրել են առարկան։
