Վուչիչն Օրբանի հետ քննարկել է էներգետիկ ճգնաժամի դեմ համատեղ պայքարի հարցերը
Սերբիայի նախագահ Ալեքսանդր Վուչիչը Հունգարիայի վարչապետ Վիկտոր Օրբանի հետ հեռախոսազրույցում քննարկել է երկու երկրների էներգետիկ անվտանգության հարցերը՝ Մերձավոր Արևելքում ճգնաժամի ֆոնին։ «Արմենպրես»-ի փոխանցմամբ՝ այս մասին հաղորդագրություն է տարածել Սերբիայի նախագահը:
«Կարևոր զրույց Հունգարիայի վարչապետ Վիկտոր Օրբանի հետ: Այժմ Եվրոպայում և աշխարհում ամենաբարդ պահերից մեկն է էներգետիկ անվտանգության առումով, և ես վարչապետ Օրբանի հետ քննարկեցի ճգնաժամի համատեղ հաղթահարման բոլոր հնարավորություններն էներգետիկայի տարբեր բնագավառներում», – գրել է Վուչիչն Instagram-ում:
Ինչպես նշել է Սերբիայի նախագահը, երկու երկրներն էլ կարծում են, որ «տարածաշրջանում խաղաղությունն ու կայունությունը մեծագույն շահ և կարևորություն ունեն» Բելգրադի և Բուդապեշտի համար:
