Սոչիում երկու ավտոբուս է բախվել
Սոչիի լեռնային գոտում բախվել են երկու ավտոբուսներ։ Երկու վարորդները վիրավորվել են և հոսպիտալացվել: Այս մասին РИА Новости-ն հայտնել են Սոչիի պետական ճանապարհային տեսչության մամուլի ծառայությունից։
««Golden Gragon» ավտոբուսի 50-ամյա վարորդը մտել է հանդիպակաց երթևեկելի գոտի՝ բախվելով 49-ամյա վարորդի վարած ПАЗ դպրոցական ավտոբուսին։ Վթարի հետևանքով երկու մեքենաների վարորդներն էլ տեղափոխվել են հիվանդանոց»,- ասվում է հայտարարության մեջ։
Նշվում է, որ երկու ավտոբուսներն էլ երթևեկել են առանց ուղևորների։
Սոչիի պետական ճանապարհային տեսչության մամուլի ծառայությունը հայտնել է, որ ներկայումս հետաքննություն է ընթանում վթարի հանգամանքները պարզելու համար։
