Թուրքիայի օդանավակայանները ածխածնի կառավարման ցուցանիշով աշխարհում 2-րդն են

Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հայտնել է, որ Թուրքիայի 52 օդանավակայան ստացել է միջազգային ճանաչում ունեցող օդանավակայանների ածխածնի հավատարմագրման (ACA) վկայական։ Այս մասին տեղեկացնում է ermenihaber.am-ը։

Այդ տվյալների համաձայն՝ Թուրքիան ԱՄՆ-ից հետո աշխարհում երկրորդ երկիրն է ամենաշատ վկայագրված օդանավակայաններով։ Դա նշանակում է, որ Թուրքիայի օդանավակայանները ածխածնի կառավարման ցուցանիշով աշխարհում 2-րդն են։

Ըստ նրա՝ դա նշանակալի արդյունք է Թուրքիայի կլիմայական քաղաքականության շրջանակներում։ Ուրալօղլուն նաև նշել է, որ Պետական ​​օդանավակայանների վարչության գլխավոր տնօրինության կողմից 2020-ին իրականացված «Ածխածնից զերծ օդանավակայանի նախագիծը» կարևոր դեր է խաղում Թուրքիայի համար։ Դրա շրջանակներում յուրաքանչյուր օդանավակայանի համար կազմվում են ածխածնի կրճատման նախագծեր։