Քուվեյթի ափերին մոտ լցանավի վրա պայթյունի հետևանքով նավթի արտահոսք է սկսվել
Միացյալ Թագավորության ծովային առևտրային գործողությունների գրասենյակը (UKMTO) հաղորդել է Քուվեյթի ափերի մոտ գտնվող լցանավի վրա տեղի ունեցած պայթյունի մասին։ Այս մասին հայտնում է Reuters-ը։
Պայթյունի հետևանքով Պարսից ծոցում կայանած լցանավից սկսվել է նավթի արտահոսք։
Հաղորդվում է, որ միջադեպի հետևանքով տուժածներ չկան, սակայն նավթի արտահոսքի պատճառով որոշակի վնաս կկրի շրջակա միջավայրը։
Քուվեյթի ներքին գործերի նախարարությունը հայտնել է, որ միջադեպը տեղի է ունեցել երկրի տարածքային ջրերից դուրս՝ Մուբարաք ալ-Քաբիր նավահանգստից առնվազն 60 կմ հեռավորության վրա։
