Իրանն ամերիկյան ևս մեկ F-15 կործանիչ է խոցել. Tasnim
Իրանի բանակի հակաօդային պաշտպանության ստորաբաժանումը խոցել է ամերիկյան F-15 կործանիչ։ Այս մասին հաղորդում է իրանական Tasnim գործակալությունը՝ վկայակոչելով իրազեկ աղբյուրի։
Գործակալությունը հիշեցնում է, որ մարտի 2-ին Իրանի զինված ուժերը հայտարարել էին հայրենական արտադրության հակաօդային պաշտպանության համակարգերով ամերիկյան 3 կործանիչ խոցելու մասին։
Մարտի 2-ի առավոտյան Իրանի զինված ուժերը F-15 կործանիչ էին խոցել Իրանի և Քուվեյթի սահմանային հատվածում։ Այս տեղեկությունը հաստատել է նաև Քուվեյթի պաշտպանության նախարարությունը։
ԱՄՆ-ն և Իսրայելը փետրվարի 28-ից հարվածներ են հասցնում Իրանին։ Թեհրանը պատասխանել է հարձակմանը՝ թիրախավորելով Իսրայելը, ինչպես նաև Մերձավոր Արևելքի երկրներում ԱՄՆ-ի ռազմակայանները և էներգետիկ օբյեկտները։
