Պուտինը և Սաուդյան Արաբիայի թագաժառանգը քննարկել են Մերձավոր Արևելքում լարվածության սրացումը
Ռուսաստանի նախագահ Վլադիմիր Պուտինը և Սաուդյան Արաբիայի թագաժառանգ Մոհամմեդ բին Սալման Ալ Սաուդը քննարկել են Մերձավոր Արևելքում լարվածության սրումը, որը պայմանավորված է ամերիկա-իսրայելական կողմից Իրանի Իսլամական Հանրապետության դեմ զինված ագրեսիայի իրականացմամբ։
Կրեմլի մամուլի ծառայության տվյալներով՝ երկու կողմն էլ լուրջ մտահոգություն են հայտնել հակամարտության սրման իրական ռիսկերի վերաբերյալ, որն արդեն ազդել է մի քանի արաբական երկրների վրա և լի է աղետալի հետևանքներով։ Այս համատեքստում Վլադիմիր Պուտինն ընդգծել է այժմյան չափազանց վտանգավոր իրավիճակը քաղաքական և դիվանագիտական միջոցներով լուծելու հրատապ անհրաժեշտությունը։
Իր հերթին Մոհամմեդ բին Սալման Ալ Սաուդը կարծիք է հայտնել, որ Ռուսաստանը կարող է դրական, կայունացնող դեր խաղալ այս ժամանակներում՝ հաշվի առնելով Իրանի և Պարսից ծոցի երկրների հետ իր բարեկամական հարաբերությունները։
