Իրանի ԱԳ նախարարի նամակը՝ միջազգային կազմակերպություններին և աշխարհի արտգործնախարարներին
IRNA -ն գրում է. « Իրանի Իսլամական Հանրապետության արտաքին գործերի նախարար Սեյեդ Աբբաս Արաղչին նամակ է հղել ՄԱԿ-ի գլխավոր քարտուղար Անտոնիու Գուտերեշին՝ պատճեններն ուղարկելով նաև ՄԱԿ-ի Մարդու իրավունքների գերագույն հանձնակատարին և աշխարհի երկրների արտաքին գործերի նախարարներին։ Նամակում ներկայացված է Իրանի դիրքորոշումը՝ ԱՄՆ-ի և սիոնիստական վարչակարգի կողմից Իրանի դեմ իրականացված ռազմական ներխուժման ընթացքում գործված ռազմական և մարդկության դեմ ուղղված հանցագործությունների վերաբերյալ։
Նա նշել է, որ Իրանի ժողովրդի դեմ ԱՄՆ-ի և Իսրայելի իրականացրած բազմաթիվ ռազմական և մարդկության դեմ հանցագործություններից զատ, քաղաքացիական նշանակության օբյեկտների՝ հատկապես դպրոցների, մարդասիրական օգնության կենտրոնների և բնակելի թաղամասերի կանխամտածված թիրախավորումը միջազգային մարդասիրական իրավունքի հիմնարար սկզբունքների կոպիտ խախտում է և քաղաքացիական անձանց կյանքի իրավունքի նկատմամբ տարրական մարդասիրական սկզբունքների բացահայտ արհամարհում։
Նկատի ունենալով ԱՄՆ-ի և Իսրայելի այս ագրեսիվ և բարբարոս գործողության ընթացքում շարունակվող հանցագործությունները՝ Իրանի Իսլամական Հանրապետությունը վճռականորեն կոչ է անում ՄԱԿ-ի գլխավոր քարտուղարին, Անվտանգության խորհրդին և համապատասխան մյուս միջազգային կառույցներին անհապաղ, հստակ և արդյունավետ քայլեր ձեռնարկել՝ դատապարտելու այդ դաժան հարձակումները, կանխելու հետագա հանցագործությունները և նպաստելու դրանց կազմակերպիչների պատասխանատվության ենթարկմանը։
Խնդրում եմ ապահովել, որպեսզի այս նամակը հրապարակվի որպես Անվտանգության խորհրդի պաշտոնական փաստաթուղթ»։
