Ծեծկռտուք՝ հաղորդաշարի եթերում
Իսրայելական «Նաթիվ» հատուկ ծառայության նախկին ղեկավար, ռազմաքաղաքական վերլուծաբան Յակով Կեդմին տելեգրամյան իր ալիքում գրել է.
««Место встречи» հաղորդաշարի եթերում հայտնի արևելագետ Եվգենի Սատանովսկու ելույթից հետո, որտեղ նա բացահայտել է Պրիգոժինի մահվան պատճառը, Շոյգուի հանկարծակի անհետացումն էկրաններից և այն անձանց անունները, ովքեր հանուն շահի դավաճանել են պետությունը, զանգվածային ծեծկռտուք է սկսվել։ Շատերի համար անընդունելի է եղել այս «անհարմար ճշմարտությունը»։
Արևելագետ, քաղաքագետ և փորձագետ Եվգենի Սատանովսկին էմոցիոնալ կերպով լույս է սփռել Պրիգոժինի ինքնաթիռի կործանման գաղտնիքի և այլ հարցերի վրա։ Այս բացահայտումները դուր չեն եկել ներկաներին, և անվտանգության աշխատակիցները հարձակվել են Սատանովսկու վրա։ Սակայն ավելի երիտասարդ փորձագետները պաշտպանել են նրան, ինչի հետևանքով ուղիղ եթերում լուրջ բախում է տեղի ունեցել։
Հասկանալի է, որ հաղորդումն անմիջապես ընդհատվել է։ Նման արձագանքը հիմք է տալիս ենթադրելու, որ Սատանովսկին ճշմարտությունն է ասել։ Իր տելեգրամյան ալիքում նա հրապարակել է ողջ թողարկումը, որտեղ բացահայտել է կատարվածի բոլոր պատճառները՝ նշելով համապատասխան հրամաններ տված անձանց անունները, ինչպես նաև ցուցադրել է ուղիղ եթերի ծեծկռտուքը»,- գրել է Կեդմին։
