Կայա Կալասը վտանգավոր է համարել Մերձավոր Արևելքում վերջին զարգացումները

ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը գլոբալ անվտանգության համար լուրջ սպառնալիք է որակել Իրանի բալիստիկ հրթիռների և միջուկային զենքի ծրագրերը։

Կայա Կալասն այս մասին հայտարարել է X-ի միկրոբլոգում կատարած գրառման մեջ՝ վտանգավոր ու մտահոգիչ համարելով Մերձավոր Արևելքում վերջին զարգացումները։

Նա առաջնահերթություն է համարել քաղաքացիական բնակչության պաշտպանությունը և միջազգային մարդասիրական իրավունքի պահպանումը։

Կալասն ընդգծել է, որ ԵՄ ռազմածովային առաքելությունը Կարմիր ծովում մնում է բարձր պատրաստվածության վիճակում և պատրաստ է օգնել ապահովելու ծովային միջանցքի շարունակական գործունեությունը։