ԱՄՆ դեսպանատունը Լիբանանից տարհանել է տասնյակ աշխատակիցների
Լիբանանում ԱՄՆ դեսպանատունը տարհանել է իր տասնյակ աշխատակիցների՝ որպես կանխարգելիչ միջոց. հայտնում են լիբանանյան լրատվամիջոցները:
«Լիբանանում ԱՄՆ դեսպանատունն այսօր Ռաֆիկ Հարիրիի անվան միջազգային օդանավակայանի միջոցով տարհանել է իր տասնյակ աշխատակիցների՝ որպես նախազգուշական միջոց՝ կապված տարածաշրջանում սպասվող իրադարձությունների հետ»,- ասված է հաղորդագրությունում։
Նշվում է, որ ԱՄՆ-ի կողմից պաշտոնական մեկնաբանություններ առայժմ չեն ստացվել։
