Լիբիայի ափերի մոտ առնվազն յոթ միգրանտ է զոհվել
Լիբիայի մայրաքաղաք Տրիպոլիից արևելք գտնվող Կասր ալ-Աքյար ծովափնյա քաղաքի լողափում յոթ միգրանտի մարմինէ հայտնաբերվել։
Սոցցանցերում տարածված տեղեկությունների համաձայն, զոհերի մարմինները, այդ թվում՝ կնոջ և երեխայի, ափ են դուրս բերել ծովի ալիքները։ Սա հաստատել է քաղաքի ոստիկանության բաժնի աշխատակիցը, փոխանցում է Սինխուան։
Զոհվածների և անհետ կորածների իրական թիվը դեռևս պարզ չէ՝ ծովում եղանակային անբարենպաստ պայմանների պատճառով։ Նշվում է, որ դեպքի հանգամանքները պարզելու համար քննություն է ընթանում։
Լիբիան համարվում է կարևոր տարանցիկ կետ անօրինական միգրանտների համար՝ Եվրոպային մոտ գտնվելու և Միջերկրական ծովի հետ երկար ափ ունենալու պատճառով։
