Լա լիգայի ղեկավարը հայտարարել է, որ «Բարսելոնան» չի կաշառել մրցավարներին
Լա Լիգայի նախագահ Խավիեր Տեբասը հայտարարել է, որ «Բարսելոնան» չի կաշառել մրցավարներին, ինչում նրանց մեղադրում են Նեգրեյրայի գործով։
«Մենք ապրում ենք օրենքի գերակայությամբ կառավարվող պետությունում, և կանոնները այնպիսին են, ինչպիսին կան։ Մենք [Լա Լիգան] առաջինը դիմեցինք դատախազություն [Նեգրեյրայի գործի վերաբերյալ], այլ ոչ թե «Ռեալ Մադրիդը»։ Մենք շարունակում ենք հետևել օրենքին։ Սպորտային օրենքը սահմանում է երեք տարվա վաղեմության ժամկետ։ Այնուամենայնիվ, պարզ է, որ «Բարսելոնան» չի վճարել մրցավարներին, գոնե այդպես է թվում»,- Տեբասի խոսքերն է մեջբերում Sport.es-ը։
Հիշեցնենք, որ 2023 թվականին «Բարսելոնային» մեղադրանք է առաջադրվել Տեխնիկական մրցավարների կոմիտեի (CTA) նախկին փոխնախագահ Խոսե Մարիա Նեգրեյրային կաշառելու գործով: Նեգրեյրան աշխատում էր Իսպանիայի ֆուտբոլի թագավորական ֆեդերացիայում (RFEF): «Բարսելոնան» մեղադրվում է 2001-2018 թվականներին կաշառք վճարելու մեջ, որի ընդհանուր գումարը կազմում է մոտ 8.4 միլիոն եվրո։
CTA-ի նախկին փոխնախագահը հերքում է, որ կաշառք է ստացել մրցավարների վրա ազդելու համար:
