«Բարսելոնան» կգնի Ալվարեսին Աշխարհի առաջնությունից հետո

«Ատլետիկո Մադրիդի» հարձակվող Խուլիան Ալվարեսը կմիանա «Բարսելոնային» 2026 թվականի Աշխարհի առաջնությունից հետո: Արգենտինացի հարձակվողի հնարավոր տրանսֆերային արժեքը կարող է կազմել մոտ 70 միլիոն եվրո: Այս մասին հաղորդում է The Touchline-ը՝ հղում անելով TyC Sports-ի լրագրող Հյուգո Բալասոնին։

Աղբյուրի համաձայն՝ 26-ամյա ֆուտբոլիստը ցանկանում է միանալ այնպիսի թիմի, որտեղ կարող է գավաթներ նվաճել։

Ալվարեսը «Ատլետիկո Մադրիդի» կազմում է 2024 թվականի ամռանից: Այս մրցաշրջանում արգենտինացին մասնակցել է 35 խաղի բոլոր մրցաշարերում՝ խփելով 13 գոլ և կատարելով վեց գոլային փոխանցում: Նրա ներկայիս պայմանագիրը ակումբի հետ ուժի մեջ է մինչև 2030 թվականի ամառը: Transfermarkt պորտալի տեղեկատվության համաձայն՝ նրա շուկայական արժեքը կազմում է 100 միլիոն եվրո: