Դանիայի թագավորն այցելել է Գրենլանդիա
Դանիայի թագավոր Ֆրեդերիկ X-ը ընթացիկ տարում արդեն երկրորդ անգամ այցելել է Նուուկ՝ Գրենլանդիայի մայրաքաղաք. այս մասին հայտնում է Reuters գործակալությունը։
Գործակալության տվյալներով՝ Դանիայի թագավորը այցի ընթացքում կրել է սև փետուրե բաճկոն՝ ձախ կրծքին Դանիայի և Գրենլանդիայի դրոշների պատկերներով։ Նշվում է, որ թագավոր Ֆրեդերիկ X-ին օդանավակայանում դիմավորել են Գրենլանդիայի վարչապետ Յենս-Ֆրեդերիկ Նիլսենը և խորհրդարանի խոսնակ Կիմ Քիլսենը։
Գրենլանդիան Դանիայի թագավորության մաս է կազմում: ԱՄՆ նախագահ Դոնալդ Թրամփը բազմիցս հայտարարել է, որ կղզին պետք է դառնա Միացյալ Նահանգների մաս:
Դանիայի և Գրենլանդիայի առաջնորդներն, իրենց հերթին, զգուշացրել են ամերիկյան իշխանություններին կղզու բռնագրավման հետ կապված՝ նշելով, որ ակնկալում են, որ Միացյալ Նահանգները կհարգեն թագավորության տարածքային ամբողջականությունը
