«Ռեալը» հետաքրքրված է Ֆոդենով, «Սիթին» բանակցություններ կսկսի 180 միլիոն եվրոյի առաջարկի դեպքում
«Ռեալ Մադրիդը» հետաքրքրություն է ցուցաբերում «Մանչեսթեր Սիթիի» հարձակողական ոճի 25-ամյա կիսապաշտպան Ֆիլիպ Ֆոդենի նկատմամբ։ Սակայն, ինչպես հաղորդում է Sports Boom-ի լրագրող Էկրեմ Քոնուրը, «քաղաքայինները» չեն ցանկանում վաճառել ակադեմիայի սանին և պլանավորում են նրա հետ կնքել «ցմահ պայմանագիր»։
Աղբյուրի տվյալներով՝ եթե անգլիական ակումբը անսպասելիորեն բանակցություններ սկսի Ֆոդենին վաճառելու համար, մեկնարկային գինը կկազմի 180-200 միլիոն եվրո։
Ֆոդենը «Մանչեսթեր Սիթիի» կազմում անցկացրել է 353 խաղ բոլոր մրցաշարերում՝ խփելով 110 գոլ և կատարելով 65 գոլային փոխանցում։ Նրա ներկայիս պայմանագիրը ակումբի հետ ուժի մեջ է մինչև 2027 թվականի ամառը։ Transfermarkt-ի տեղեկատվության համաձայն՝ նրա շուկայական արժեքը կազմում է 80 միլիոն եվրո։
