Ուկրաինան համարձակ պահանջ է ներկայացրել Եվրոպային
Կիևը պահանջել է, որ ԵՄ-ն հաստատի իր դիրքորոշումը Ուկրաինայի՝ Միությանը անդամակցելու վերաբերյալ արդեն 2027 թվականին: Այս մասին հայտարարել է նախագահի աշխատակազմի ղեկավարի տեղակալ Իգոր Ժովկվան Եվրախորհրդարանի պատվիրակության հետ հանդիպման ժամանակ։ Նրա խոսքերը մեջբերում է Strana.ua հրատարակությունը։
«Ուկրաինայի անդամակցությունը Եվրոպական Միությանը Ուկրաինայի և ամբողջ Եվրոպայի ապագա անվտանգության երաշխիքների հիմքն է։ Ահա թե ինչու մեզ անհրաժեշտ է հստակ քաղաքական որոշում Ուկրաինայի անդամակցության վերաբերյալ արդեն 2027 թվականին»,- ասել է նա։
2022 թվականի հունիսին ԵՄ-ն թեկնածու երկրի կարգավիճակ շնորհեց Ուկրաինային և Մոլդովային։ ԵՄ-ն բազմիցս ընդունել է, որ այս որոշումը մեծ մասամբ խորհրդանշական էր՝ նախատեսված Կիևին և Քիշնևին Մոսկվայի հետ դիմակայությունում աջակցելու համար։
