ԱՄՆ զորքերը չեն ներխուժի Վենեսուելա, քանի դեռ…Թրամփ
ԱՄՆ նախագահ Դոնալդ Թրամփը The New York Post-ին տված հարցազրույցում հայտարարել է, որ ամերիկյան զորքերը չեն գտնվի Վենեսուելայի տարածքում այնքան ժամանակ, քանի դեռ երկրի փոխնախագահ Դելսի Ռոդրիգեսը «կանի այն, ինչ մենք ուզում ենք»։
New York Post-ը հարցրել է Թրամփին, արդյո՞ք, ամերիկյան զորքերը «կգտնվեն տեղում և կօգնեն կառավարել երկիրը»։
«Ոչ, եթե փոխնախագահն անի այն, ինչ մենք ուզում ենք, դրա կարիքը չի լինի»,– ասել է Թրամփը։
«Մենք շատ անգամներ ենք խոսել նրա հետ, և նա հասկանում է։ Նա հասկանում է»,– հավելել է ԱՄՆ նախագահը։
Մինչդեռ Ռոդրիգեսն իր ուղերձում հայտարարել է, որ Նիկոլաս Մադուրոն երկրի միակ նախագահն է։ Նա ընդգծել է, որ վենեսուելացիները չեն լինի «ոչ մեկի ստրուկը և ոչ մեկի գաղութը»։
Ավելի վաղ հայտնի էր դարձել, որ Վենեսուելայի Գերագույն դատարանը Ռոդրիգեսին նշանակել է երկրի նախագահի պաշտոնակատար։
