Ֆոն դեր Լեյենը հույս է հայտնել, որ նոր տարում Ուկրաինայում խաղաղություն կհաստատվի

Սուրբ Ծննդյան իր ուղերձում Եվրոպական հանձնաժողովի նախագահ Ուրսուլա ֆոն դեր Լեյենը հույս է հայտնել, որ Ուկրաինայում հակամարտությունը կլուծվի 2026 թվականին։ Նա այս մասին գրել է X սոցիալական ցանցի իր էջում։

«Մենք հատկապես մտածում ենք Ուկրաինայի մեր ընկերների մասին։ Հուսով ենք, որ գալիք տարին վերջապես կբերի արդար և երկարատև խաղաղություն, և, ի վերջո, անվտանգ և բարգավաճ ապագա մեր Միության համար»,- ասվում է գրառման մեջ։