Եգիպտոսի ԱԳՆ-ն հանձնարարել է դեսպանատներին զբաղվել պատմական արժեքների վերադարձի հարցով
Եգիպտոսի արտաքին գործերի նախարար Բադր Աբդել Աթին հանձնարարել է Եգիպտոսի դեսպանատներին ավելի ակտիվորեն մասնակցել երկրից դուրս բերված պատմական արժեքների վերադարձման գործին: Այս մասին հաղորդում է РИА Новости-ն՝ հղելով Եգիպտոսի արտաքին գործերի նախարարության տարածած հայտարարությանը:
«Անհրաժեշտ է ակտիվացնել երկրից անօրինական կերպով դուրս բերված արտեֆակտները վերադարձնելու ջանքերը»,- ասել է Աբդել Աթին
Արտաքին գործերի նախարարը հանձնարարել է դիվանագետներին խորհրդակցել այն երկրների իշխանությունների հետ, որտեղ գտնվում են անօրինական կերպով դուրս բերված եգիպտական պատմական գանձերը՝ փոխհատուցման հարցերը քննարկելու համար։
