Հայ-ամերիկյան միջկառավարական աշխատանքային խումբը քննարկել է վաշինգտոնյան հուշագրերի ներքո իրականացվելիք աշխատանքներ
Հայաստանում ԱՄՆ դեսպանությունը հայտարարություն է տարածել, որում ասվում է․ «Օգոստոսի 8-ին մայրաքաղաք Վաշինգտոնում կայացած խաղաղության պատմական գագաթնաժողովի ընթացքում ստորագրված փոխըմբռնման հուշագրերի իրականացման նպատակով ձևավորված հայ-ամերիկյան միջկառավարական աշխատանքային խումբն իր անդրանիկ հանդիպման ընթացքում քննարկեց հուշագրերի ներքո իրականացվելիք աշխատանքները՝ էներգետիկ անվտանգության մեծացման, կիսահաղորդիչների մատակարարման շղթայի և ԱԲ զարգացման և Հայաստանի ճանապարհային ենթակառուցվածքների ու սահմանների անվտանգության հարցերի շուրջ։
Միացյալ Նահանգներն ուրախ է աշխատել իր արժեքավոր ռազմավարական գործընկեր Հայաստանի Հանրապետության հետ՝ Հարավային Կովկասում խաղաղության ու բարեկեցության հաստատման շուրջ նախագահ Թրամփի տեսլականի իրագործման ուղղությամբ»։
