Թուրքիայում հրապարակվել է ամենաբարձր IQ-ով 21 քաղաքների ցանկը

Թուրքական մամուլը հայտնում է, որ հրապարակվել է Թուրքիայի «ամենախելացի» քաղաքների նորացված վարկանիշը, որում ներգրավվել է երկրի բոլոր 81 նահանգներից ավելի քան 1 միլիոն մասնակից։ Այս մասին տեղեկացնում է ermenihaber.am-ը։

Մասնակիցներին տարբեր ոլորտներից հարցեր ուղղելու արդյունքում որոշվել է IQ-ի ցուցանիշով առաջատար 21 քաղաքը։ Զեկույցի համաձայն՝ ցուցակի առաջին հորիզոնականը զբաղեցրել է Էսքիշեհիրը, շրջանցելով Ստամբուլը, Անկարան և Իզմիրը։

Հայտնի է դարձել նաև 21 քաղաքների IQ արդյունքները․ Բարթըն (102.13), Դենիզլի (102.14), Ռիզե (102.32), Քոնյա (102.36), Ուշակ (102.37), Կարաման (102.52), Յալովա (102.58), Զոնգուլդաք (102.68), Թեքիրդաղ (102.82), Անթալիա (103.29), Տրապիզոն (103.37), Քըրքլարելի (103.38), Բուրսա (103.47), Բալըքեսիր (103.59), Քոջաելի (103.85), Ստամբուլ (104.02), Չանաքքալե (104.02), Մուղլա (104.12), Իզմիր (104.51) և երկրորդ տեղում՝ Անկարա (104.91), իսկ առաջին հորիզոնականում Էսքիշեհիրն է՝ 105.20 ցուցանիշով։

Զեկույցը մեծ քննարկում է առաջացրել Թուրքիայի սոցիալական հարթակներում, որտեղ օգտատերերը տարաբնույթ մեկնաբանություններով արձագանքում են քաղաքների կրթական և սոցիալ-տնտեսական պայմանների համեմատությանը։