Երբեք չեմ միջամտել Վրաստանի ներքին քաղաքականությանը. Ֆիշեր
Վրաստանում Գերմանիայի դեսպան Պիտեր Ֆիշերը «Ազատություն» ռադիոկայանին տված հարցազրույցում նշել է, որ ինքը երբեք չի միջամտել Վրաստանի ներքին քաղաքականությանը և երբեք չի աջակցել վրացական քաղաքական որևէ կուսակցության։
«Ես գերմանացի դիվանագետ եմ, այստեղ ներկայացնում եմ Գերմանիայի շահերը որպես Եվրամիության մաս, ուստի նաև մասամբ ներկայացնում եմ Եվրամիության շահերը։
Ես երբեք չեմ միջամտել և երբեք չեմ միջամտի Վրաստանի ներքին քաղաքականությանը, Վրաստանի ներքին գործերին»,- նշել է նա։
Ֆիշերն ասել է նաև, որ Վրաստանը շեղվել է Եվրամիությանը միանալու ճանապարհից` հավելելով, որ դրա պատասխանատուն Վրաստանն է։
«Այնուամենայնիվ, կարծում եմ, որ սա պետք է արթնացման կոչ լինի Վրաստանի քաղաքացիների համար այդ մեկ տարվա ընթացքում տեղի ունեցածի վերաբերյալ»,- ասել է դեսպանը։
