Մոսկվան որևէ տեղեկատվություն չի ստացել ԱՄՆ-Ուկրաինա բանակցություններից հետո. Պեսկով
Ռուսաստանը դեռևս չի ստացել ԱՄՆ-Ուկրաինա կարգավորման ծրագրի պաշտոնական տեքստը, որը փոփոխվել է Ժնևում ԱՄՆ-Ուկրաինա բանակցություններից հետո։ Այս մասին ճեպազրույցի ժամանակ հայտարարել է Ռուսաստանի նախագահի մամուլի քարտուղար Դմիտրի Պեսկովը՝ ТАСС-ի փոխանցմամբ։
«Մենք դեռ որևէ ծրագիր չենք տեսել: Մենք կարդացել ենք Ժնևում տեղի ունեցած քննարկումների հայտարարությունները, բայց դեռ որևէ պաշտոնական տեղեկատվություն չենք ստացել», – նշել է Պեսկովը։
Հиշեցնենք, որ Սպիտակ տունը և ԱՄՆ առաջին տիկին Մելանյա Թրամփի գրասենյակը համատեղ հայտարարություն են տարածել երեկ Ժնևում կայացած ուկրաինացի և ամերիկացի պատվիրակությունների հանդիպման վերաբերյալ, որի ժամանակ քննարկվել է Ուկրաինայի խաղաղության ծրագիրը:
Հայտարարության մեջ մասնավորապես նշվել է, որ քննարկումների արդյունքում կողմերը մշակել են թարմացված և կատարելագործված խաղաղության գաղափար։
ԱՄՆ պետքարտուղար Մարկո Ռուբիոն ընդգծել է, որ Թրամփի սահմանած նոյեմբերի 27-ի վերջնաժամկետը, որպեսզի Ուկրաինան ընդունի ԱՄՆ-ի խաղաղության առաջարկը, փոփոխական է:
