Տոկաևը նշել է Ռուսաստան այցի կարևորությունը
Ղազախստանի նախագահ Կասիմ-Ժոմարտ Տոկաևը կարծում է, որ Ռուսաստան կատարած իր ընթացիկ պետական այցը հատկապես կարևոր է երկու երկրների միջև հարաբերությունների համար: Տոկաևը վստահ է, որ այն նոր մակարդակի կբարձրացնի Մոսկվայի և Աստանայի միջև գործընկերությունն ու դաշինքը։ Այս մասին գրում է РИА Новости-ն:
«Այս այցը հատկապես նշանակալից է մեր հարաբերությունների պատմության մեջ, քանի որ այն նոր մակարդակի է բարձրացնում մեր երկրների միջև ռազմավարական գործընկերությունն ու դաշնակցային հարաբերությունները»,- ասել է Տոկաևը չորեքշաբթի օրը Դաշնային խորհրդի խոսնակ Վալենտինա Մատվիենկոյի հետ հանդիպման ժամանակ։
