Լուվրից գողացված զարդերը փորձել են վաճառել. լրատվամիջոցներ
Հոկտեմբերին Փարիզի Լուվր թանգարան ներխուժած և զարդեր գողացած կողոպտիչները փորձել են գողոնված իրերը դարքնեթի միջոցով վաճառել իսրայելական CGI Group անվտանգային ընկերությանը, հաղորդում է գերմանական Bild թերթը՝ հղում անելով ընկերության գործադիր տնօրեն Ցվիկ Նավեհին։
«Լուվրի կողոպուտից հինգ օր անց մի տղամարդ, որը ներկայանում էր որպես կողոպտիչների ներկայացուցիչ, կապ հաստատեց մեզ հետ CGI Group-ի պաշտոնական կայքի միջոցով։ Նա հարցրեց, թե արդյոք մենք կբանակցենք Լուվրից գողացված արվեստի գործերի գնման համար և ընդգծեց, որ մենք 24 ժամ ունենք պատասխանելու համար»,- Bild-ին ասել է Նավեհը։
