Սիրիան ճանաչել է Կոսովոյի անկախությունը
Սիրիան ճանաչել է Կոսովոյի անկախությունը, հայտարարել է Արաբական Հանրապետության Արտաքին գործերի և արտագաղթյալների հարցերով նախարարությունը։
Նախարարության հայտարարության մեջ նշվում է, որ որոշումն արտացոլում է «Սիրիայի հետևողական աջակցությունը ժողովուրդների ինքնորոշման իրավունքին» և նրա «հանձնառությունը՝ խթանելու խաղաղությունն ու կայունությունը Բալկաններում և ամբողջ աշխարհում»։
Նշվում է նաև, որ այդ քայլը համապատասխանում է Սիրիայի դիվանագիտական տեսլականին՝ կառուցել կառուցողական գործընկերություններ և ընդլայնել երկխոսությունը տարբեր տարածաշրջանների երկրների հետ։
Նախարարությունը նշել է, որ Սիրիան ակնկալում է հաստատել պաշտոնական դիվանագիտական հարաբերություններ Կոսովոյի հետ և զարգացնել համագործակցությունը քաղաքական, տնտեսական և մշակութային ոլորտներում՝ երկու երկրների շահերից ելնելով։
