Շենգավիթի նախկին թաղապետը դուրս եկավ ՔՊ-ից
Շենգավիթ վարչական շրջանի նախկին թաղապետ Ռազմիկ Մկրտչյանը իր ֆեյսբուքյան էջում տեղեկացրել է «Քաղաքացիական պայմանագիր» կուսակցությունից հեռանալու մասին:
«Ես՝ Ռազմիկ Մկրտչյանս, տեղեկացնում եմ, որ 2025 թվականի հոկտեմբերի 3-ին որոշում եմ կայացրել դուրս գալ «Քաղաքացիական պայմանագիր» կուսակցությունից։
Վերջին ամիսներին առավել քան երբևէ զգացել եմ Շենգավիթի բնակիչների անկեղծ աջակցությունն ու հավատը։ Դա ամենամեծ գնահատականն է, որը կարող է ստանալ յուրաքանչյուր պատասխանատու մարդ։ Հպարտություն է լինել համայնքի մի մաս, որտեղ վստահությունը ձևավորվում է գործով, իսկ միասնությունը՝ փոխադարձ հարգանքով։
Հարգանքով՝
Ռազմիկ Մկրտչյան»,- գրել է նախկին ՔՊ-ական նախկին թաղապետը:
Ռազմիկ Մկրտչյանը ՔՊ -ական ամենաերկար պաշտոնավարող վարչական շրջանի ղեկավարն էր. նա 2018 թ.-ից էր ստանձնել թաղապետի պաշտոնը և աշխատանքից ազատվել էր վերջերս` ներթիմային «ռազբորկաների» հետևանքով:
