Ռուսաստանի ԱԳՆ-ն հայտարարել է Միացյալ Նահանգների հետ բանակցությունների նոր փուլի մասին
Ռուսաստանի և ԱՄՆ-ի միջև բանակցությունների երրորդ փուլը կկայանա մինչև աշնան վերջ։ Այս մասին ՏԱՍՍ-ին հայտնել է Ռուսաստանի փոխարտգործնախարար Սերգեյ Ռյաբկովը։
Սեպտեմբերի 27-ին Ռուսաստանի արտաքին գործերի նախարար Սերգեյ Լավրովը հայտարարել էր, որ Ռուսաստանի և Միացյալ Նահանգների միջև խորհրդակցությունների երրորդ փուլը տեղի կունենա այս աշնանը։ Առաջին երկու փուլերը տեղի են ունեցել փետրվարի 27-ին և ապրիլի 10-ին Ստամբուլում։
