Ֆինլանդիայի վարչապետը ռուսական ակտիվների առգրավումը «լավ գաղափար» է համարում
Ռուսաստանի սառեցված ակտիվները արտասահմանում Ուկրաինայի օգտին օգտագործելը «լավ գաղափար է»: Այս մասին Դանիայում տեղի ունեցած ԵՄ գագաթնաժողովում հայտարարել է Ֆինլանդիայի վարչապետ Պետերի Օրպոն, գրում է Reuters գործակալությունը:
«Մեզ անհրաժեշտ է Ուկրաինայի համար ուժեղ, կայուն, երկարաժամկետ միջոցառումների փաթեթ, և ռուսական սառեցված ակտիվների օգնությամբ դա անելը շատ լավ գաղափար է: Կարծում եմ, որ մենք պետք է առաջ շարժվենք այդ ուղղությամբ»,- ասել է նա։
