Ադրբեջանում հատուկ կարանտինային ռեժիմը երկարաձգել են մինչև 2026 թ. հունվարի 1-ը
Ադրբեջանի իշխանությունները կորոնավիրուսի համավարակի պատճառով սահմանված հատուկ կարանտինային ռեժիմը երկարաձգել են մինչև 2026 թ. հունվարի 1-ը: Համապատասխան որոշումը ստորագրել է երկրի վարչապետ Ալի Ասադովը:
«Ադրբեջանի տարածքում կորոնավիրուսային վարակի տարածումը և դրա հնարավոր հետևանքները կանխելու նպատակով երկրի տարածքում հատուկ կարանտինային ռեժիմի գործողության ժամկետը երկարաձգվում է մինչև 2026 թվականի հունվարի 1-ի ժամը 06:00-ն», – ասվում է հանրապետության Նախարարների կաբինետի կայքում հրապարակված փաստաթղթում:
Ավելի վաղ Ադրբեջանում հատուկ կարանտինային ռեժիմի գործողության ժամկետը սահմանվել էր մինչև 2025 թվականի հոկտեմբերի 1-ը:
Ադրբեջանում չեղյալ են հայտարարվել համավարակի սկզբում սահմանված գրեթե բոլոր կարանտինային սահմանափակումները. դիմակ կրելու ռեժիմը, օտարերկրյա քաղաքացիների համար մուտք գործելիս օդանավակայաններում, ինչպես նաև խոշոր առևտրի կենտրոններ, ռեստորաններ, սրճարաններ և հյուրանոցներ այցելելիս քովիդ-անձնագրերի ներկայացման պահանջը:
Միևնույն ժամանակ, երկրի ցամաքային սահմանները փակ են մնում հատման համար:
