Ճապոնիան կքննարկի Պաղեստինը ճանաչելու ժամկետները

Ճապոնիայի կառավարությունը համապարփակ մոտեցում կցուցաբերի Պաղեստինի Պետության ճանաչման ժամկետների քննարկման հարցում։

Այս մասին հայտարարել է Ճապոնիայի նախարարների կաբինետի գլխավոր քարտուղար Յոշիմասա Հայաշին։

Նա հիշեցրել է, որ Ճապոնիան աջակցում է պաղեստինա-իսրայելական հակամարտության՝ երկու պետության սկզբունքով կարգավորմանը, ուստի Պաղեստինի ճանաչումը ժամանակի հարց է։ 

Jiji Press-ի փոխանցմամբ, Հայաշին ընդգծել է, որ «ամենակարևորը Պաղեստինի կայուն գոյությունն է և նրա համակեցությունը Իսրայելի հետ»։