Իսրայելը հայտարարել է Գազայի հատվածում 100 թիրախների խոցման մասին
Իսրայելցի զինվորականները վերջին 24 ժամվա ընթացքում 100 թիրախ են խոցել Գազայի հատվածում։ Այս մասին վկայակոչելով զինվորական հրամանատարությանը՝ հայտնում է The Times of Israel-ը։
Մասնավորապես, հարվածներ են հասցվել թունելներին, զինապահեստներին և պաղեստինյան զինյալ խմբավորումների հանգրվաններին։ Բացի այդ, իսրայելական երկու դիվիզիաներ սեպտեմբերի 20-ին շարունակել են մարտական խնդիրներ լուծել Գազա քաղաքում։
Պաղեստինյան բժշկական ծառայությունները հայտնել են Գազայի հատվածում մեկ օրում 34 մարդու զոհվելու մասին։
