ACB JJ 18․ Արման Ծառուկյանը պարտության մատնեց UFC-ի նախկին չեմպիոնին
UFC-ի թեթև քաշային կարգում դասակարգման երկրորդ համարը՝ Արման Ծառուկյանը, Մոսկվայում կայացած բրազիլական ջիու-ջիթսուի մրցաշարում հաղթել է UFC-ի նախկին չեմպիոն Բենսոն Հենդերսոնին։
Ծառուկյանը 41-ամյա մրցակցի նկատմամբ հաղթանակի հասավ մենամարտի ավարտից մեկ րոպե առաջ կատարած խեղդող հնարքով։
«Շնորհակալություն այստեղ գալու համար։ Շատ հաճելի է ամեն անգամ ավելի ու ավելի շատ երկրպագուներ ունենալը։ Դուք ինձ համար մեծ մոտիվացիա եք, շնորհակալություն։ Ես նաև ուզում եմ խորին շնորհակալություն հայտնել կազմակերպությանը՝ ինձ այդքան լավ ընդունելու համար։ Ես կցանկանայի ավելի հաճախ մրցել այստեղ»,- հաղթական մարտից հետո ասել է Արմանը։
