Լուկաշենկոն Մոդիին հրավիրել է Մինսկ
Բելառուսի նախագահ Ալեքսանդր Լուկաշենկոն շնորհավորել է Հնդկաստանի վարչապետ Նարենդրա Մոդիին 75-ամյակի կապակցությամբ և հրավիրել է նրան այցելել Մինսկ, հայտնում է Բելառուսի ղեկավարի մամուլի ծառայությունը։
«Անհամբեր սպասում եմ հնդկական պատվիրակության այցին՝ Ձեր գլխավորությամբ»,- հայտարարել է Լուկաշենկոն և հավելել, որ Մոդիի այցը Մինսկ հիանալի հնարավորություն կլինի միջպետական համագործակցության ներուժի գործնական կիրառման հարցերը քննարկելու համար:
Քաղաքական գործիչը նշել է, որ Բելառուսում Մոդին հայտնի է որպես տաղանդավոր պետական գործիչ, որը մոբիլիզացնում է իր բոլոր ջանքերը իր երկրի զարգացման համար և հսկայական հեղինակություն ունի աշխարհում։
