ՄԱԿ-ը մեղադրել է Իսրայելին ցեղասպանության մեջ
ՄԱԿ-ի հանձնաժողովը մեղադրել է Իսրայելին Գազայի հատվածում ցեղասպանություն իրականացնելու մեջ։ Այս մասին հաղորդում է BBC-ն։
Հրապարակման համաձայն՝ սա վերաբերում է միջազգային իրավունքով սահմանված ցեղասպանության հինգ գործողություններից չորսին։ Մասնագետները կարծում են, որ Իսրայելը 2023 թվականին ՀԱՄԱՍ-ի հետ պատերազմի սկզբից ի վեր կատարել է «խմբի անդամների սպանություն՝ նրանց պատճառելով լուրջ մարմնական և հոգեկան վնասվածքներ, դիտավորյալ ստեղծելով խմբի ոչնչացմանը նպաստող պայմաններ և կանխելով ծնունդները»։
Որպես ապացույց՝ ՄԱԿ-ի փորձագետները զեկույցում մեջբերում են Իսրայելի ղեկավարների հայտարարությունները և իսրայելական ուժերի գործողությունները։
Իսրայելի արտաքին գործերի նախարարությունը հայտարարել է, որ կտրականապես մերժում է զեկույցը՝ այն անվանելով «աղավաղված և կեղծ»։
