Այս երեք մթերքները պետք է լինեն Ձեր սննդակարգում, եթե նիհարում եք
Էնդոկրինոլոգ Եկատերինա Յանգը նշել է, որ քաշի կորստի ժամանակ անհրաժեշտ է սննդակարգում ներառել երեք մթերք։ Նա դրանք թվարկել է իր Տելեգրամ-ալիքում։
Յանգը կոչ է արել սննդակարգում ներառել բրոկոլի։ Դրա օգտակար հատկությունների շարքում մասնագետը նշել է լյարդի դետոքսիկացիան, ճարպերի այրումը, օրգանիզմում բորբոքումների նվազեցումը, ինսուլինի մակարդակի կայունացումը և դրա նկատմամբ զգայունության բարձրացումը։
Քաշի կորստի ընթացքում էներգիան պահպանելու համար ամենօրյա ճաշացանկը պետք է հարստացնել գազարով, հավելել է բժիշկը։ Նա բացատրել է, որ այս բանջարեղենը բարելավում է նյարդերի և մկանների աշխատանքը, պաշտպանում է օրգանիզմը օքսիդատիվ սթրեսից։ Յանգը նաև հավելել է, որ դդումը օգտակար է քաշի կորստի համար։ Այն կօգնի ազատվել անքնությունից, որը հաճախ առաջանում է քաշի կորստի ժամանակ։
