ՌԴ «Պլեսեցկ» տիեզերակայանից «Սոյուզ-2.1 Բ» հրթիռ-կրիչ է արձակվել
Ելնելով ՌԴ պաշտպանության նախարարության շահերից՝ Ռուսաստանի օդատիեզերական ուժերի տիեզերական զորքերի մարտական հաշվարկն իրականացրել է «Սոյուզ-2.1 Բ» միջին դասի հրթիռակրի արձակումը տիեզերանավով:
«Օդատիեզերական ուժերի տիեզերական զորքերի մարտական հաշվարկը, ռազմատիեզերական ակադեմիայի ունկնդիր Ա.Ֆ. Մոժայսկու ստեղծած, տիեզերագնացության ալգորիթմների մշակման համար նախատեսված «Մոժաեց6» ուսումնահետազոտական տիեզերանավով 2025 թվականի սեպտեմբերի 13-ին «Պլեսեցկ» տիեզերակայանից իրականացրել է «Սոյուզ-2.1 Բ» միջին դասի հրթիռակրի արձակում տիեզերանավով՝ ի շահ Ռուսաստանի պաշտպանության նախարարության»,-ասվում է գերատեսչության հաղորդագրության մեջ։
Նշվում է, որ կրող հրթիռի արձակումն ու տիեզերական սարքի դուրսբերումը հաշվարկային ուղեծիր անցել են սովորական ռեժիմով:
Մեկնարկից հետո «Սոյուզ-2.1 Բ» միջին դասի հրթիռակիրն ուղեկցվել է Գերման Տիտովի անվան գլխավոր փորձարկման տիեզերական կենտրոնի վերգետնյա ավտոմատացված կառավարման համալիրի միջոցներով:
«Հաշվարկային ժամանակում տիեզերական սարքերը նշանակված ուղեծիր են դուրս բերվել «Ֆրեգատ» արագացնող բլոկով և ընդունվել են ՕՏՈւ տիեզերական զորքերի ցամաքային միջոցների կառավարմանը», – հայտնել է պաշտպանության նախարարությունը:
Տիեզերանավերի հետ հաստատվել և պահպանվում է կայուն հեռաչափական կապ, տիեզերանավերի թռիչքային համակարգերը գործում են սովորական ռեժիմով։
Տիեզերական ապարատներին տրվել են «Կոսմոս-2595» և «Կոսմոս-2596» հերթական համարները:
