Մայլի Սայրուսը դարձել է Maison Margiela-ի դեմքը
Մայլի Սայրուսը դարձել է պատմության մեջ առաջին սելեբրիթին, որը նկարահանվել է ֆրանսիական Maison Margiela նորաձևության տան գովազդային արշավում:
1988 թվականին հիմնադրվելուց ի վեր ապրանքանիշը հետևել է անանունության սկզբունքներին. արշավներում մոդելները հաճախ ծածկում են դեմքերը, հագուստի ստեղծման վրա աշխատում է անհայտ դիզայներների թիմ, իսկ ապրանքանիշի հիմնադիր Մարտին Մարջիելան անտեսանելի է մնում հանրության համար նույնիսկ կարիերան ավարտելուց տարիներ անց: Հետևաբար, Մայլիի հայտնվելը արշավում անսպասելի էր ապրանքանիշի երկրպագուների համար:
Լուսանկարներում երգչուհին մերկ կեցվածք է ընդունել լուսանկարիչ Պաոլո Ռովերսիի օբյեկտիվի առջև՝ ցուցադրելով նոր հավաքածուի իրերը:
