Bloomberg. ԱՄՆ-ն և Ուկրաինան կընտրեն առաջին ընկերությունները համատեղ ներդրումների համար
ԱՄՆ-ն և Ուկրաինան սեպտեմբերին կորոշեն, թե ռեսուրսների գործարքի շրջանակներում որ ընկերություններն առաջինը կստանան գումար համատեղ ներդրումային հիմնադրամից, հաղորդում է Bloomberg-ը՝ հղում անելով Ուկրաինայի էկոնոմիկայի նախարար Ալեքսեյ Սոբոլևին, ով մեկնաբանություն է տվել գործակալությանը։
«Սոբոլևը նշել է, որ սեպտեմբերին ԱՄՆ պատվիրակությունը պետք է այցելի Ուկրաինա՝ որոշելու համար, թե որ ընկերություններն են գումար ստանալու ԱՄՆ-Ուկրաինա հանքային ռեսուրսների հիմնադրամի առաջին ներդրումների շրջանակներում»,- գրում է գործակալությունը։
Ըստ գործակալության՝ Ուկրաինայի վարչապետ Յուլիա Սվիրիդենկոն ուրբաթ օրը հանդիպել է ամերիկյան Nasdaq ֆոնդային բորսայի ղեկավարության հետ՝ Ուկրաինայում ներդրումները քննարկելու համար։
