Ռուսաստանը և Ուկրաինան գերիների փոխանակում են իրականացրել
Ռուսաստանն օգոստոսի 14-ին ուկրաինական գերությունից վերադարձրել է 84 զինծառայողի, որի դիմաց վերադարձրել է Ուկրաինայի զինված ուժերի նույնքան ռազմագերու։ Այս մասին հայտնել է ՌԴ պաշտպանության նախարարությունը:
Գերատեսչությունում հայտարարել են, որ ռուսաստանցի զինծառայողները ներկայում գտնվում են Բելառուսի տարածքում, որտեղ նրանց անհրաժեշտ հոգեբանական և բժշկական օգնություն է ցուցաբերվում։
«Ռուսաստանցի զինծառայողներին գերությունից վերադարձնելիս հումանիտար բնույթի միջնորդական ջանքեր է գործադրել Արաբական Միացյալ Էմիրությունները», – ասվում է Պաշտպանության նախարարության հաղորդագրության մեջ։
