Հայտնի է Փաշինյան-Թրամփ հանդիպման ժամը
Վաշինգտոնում օգոստոսի 8-ին տեղի կունենա Նիկոլ Փաշինյանի, Դոնալդ Թրամփի և Իլհամ Ալիևի եռակողմ հանդիպումը։
Մինչ այդ ԱՄՆ նախագահն առանձին հանդիպումներ կունենա Նիկոլ Փաշինյանի և Իլհամ Ալիևի հետ։
«Լուրեր»-ի թղթակիցը Վաշինգտոնից հայտնել է, որ Վաշինգտոնի ժամանակով 14:30-ին (Երևանի ժամանակով 22:30-ին) տեղի կունենա Նիկոլ Փաշինյանի և Դոնալդ Թրամփի հանդիպումը:
ԱՄՆ պետդեպարտամենտի կայքում առկա տեղեկատվությունից էլ պարզ է դառնում, որ Հայաստանի վարչապետի, ԱՄՆ-ի ու Ադրբեջանի նախագահների եռակողմ հանդիպումը նախատեսված է օգոստոսի 8-ին, Վաշինգտոնի ժամանակով ժամը 16։15-ին (Երևանի ժամանակով ժամը 00։15-ին)։
Այդ հանդիպմանը մասնակցելու է նաև ԱՄՆ պետքարտուղար Մարկո Ռուբիոն։ Հանդիպումների օրակարգի վերաբերյալ պաշտոնական լրահոսը մինչ այս պահը շատ սուղ է։
