Աշտարակի մանկապարտեզներից մեկում հրդեհ է բռնկվել
Այսօր՝ օգոստոսի 5-ին, արտակարգ դեպք է տեղի ունեցել Արագածոտնի մարզում: Ժամը 10:40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Աշտարակ քաղաքի մանկապարտեզներից մեկում ծուխ է նկատվում:
Ինչպես հայտնում է Shamshyan.com-ը, ժամանել են Աշտարակի հրշեջ-փրկարարական ջոկատից 2 մարտական հաշվարկ:
Տեղում պարզվել է, որ հրդեհը բռնկվել է Աշտարակ քաղաքի թիվ 2-րդ «Արևիկ» մսուր մանկապարտեզում:
Տուժածներ չկան:
Մանկապարտեզի աշխատակիցներն ու երեխաները ժամանակին տարհանվել են:
Դեպքի վայր են ժամանել նաև ՀՀ ՆԳՆ ոստիկանության համայնքային ոստիակության գլխավոր վարչության Աշտարակի բաժնի հերթապահ խումբը՝ համայնքային ոստիկանի գլխավորությամբ:
Պարզվել է, որ հրդեհը բռնկվել է խոհանոցում:
