Երկրի վրա մագնիսական փոթորիկ է սկսվել
Հերթական մագնիսական փոթորիկն է համակել երկրագունդը մայիսի 17-ին։ Այս տեղեկությունը ներկայացրել է «Ֆոբոս» օդերևութաբանական կենտրոնը, որի առաջատար մասնագետներից մեկի գնահատմամբ՝ մոլորակի գեոմագնիսական դաշտը թույլ խախտված վիճակում կմնա մինչև երկուշաբթի։
Նշվում է, որ մագնիսական այս փոթորիկը սկսվել է գիշերը, երբ Երկրի վրա սկսել է անդրադառնալ Արեգակի վրա գտնվող հերթական պսակաձև անցքից ժայթխող արևային քամին։ Դրա հետևանքով առաջացած միջմոլորակային մագնիսական դաշտի բաղադրիչների կոնֆիգուրացիայի փոփոխությունը հանգեցրել է Երկրի մագնիսոլորտում թույլ խմորումների։
Ընդ որում, Երևանի ժամանակով 4։00-ից հետո այդ խանգարումներն ուժեղացել են՝ հասնելով G2 դասի միջին մագնիսական փոթորկի մակարդակի։
Մոլորակը արեգակնային քամու ավելի արագ և խիտ հոսքում կգտնվի մինչև երկուշաբթին ներառյալ։ Նման իրավիճակում Երկրի գեոմագնիսական դաշտն առաջիկա օրերին կգտնվի թույլ խախտված վիճակում, կգրանցվեն հիմնականում թույլ՝ G1 դասի մագնիսական փոթորիկների կարճատև բռնկումներ։
