Քասախ գետից դուրս է բերվել քաղաքացու դի
Մայիսի 11-ին, ժամը 14:24-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ապարան քաղաքի «Մոզոլան» կոչվող տարածքում հովիվը գետից դուրս է բերել անգիտակից քաղաքացու։
Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և օպերատիվ խումբը։
Նիգավան գյուղի սկզբնամասից ճանապարհի անանցանելիության պատճառով շտապօգնության բժիշկը և բուժքույրը ճանապարհը շարունակել են փրկարարական ավտոմեքենայով։
Քասախ գետի ափին շտապօգնության աշխատակիցներն արձանագրել են քաղաքացու մահը։
Փրկարարները դին պատգարակով մոտեցրել են (մոտ 100 մ) փրկարարական ավտոմեքենային, այնուհետև տեղափոխել շտապօգնության մեքենա։
