Ընտրությունը քոնն է
– Ինչո՞ւ ես բարկանում ու վիրավորվում: Ավելի լավ չէ՞ հանդարտվել ու ներել,- հարցրեց ուսուցիչը:
– Իսկ ինչո՞ւ պետք է ներեմ նրան, ախր նա…,- ուզում էր արդարանալ աշակերտը:
– Ներիր, որ ընդհատում եմ,- ասաց ուսուցիչը,- թույլ տուր երկու հարց տալ, և այդժամ կպատասխանեմ քո բոլոր «ինչուներին»: Դու քեզ լա՞վ ես զգում, երբ բարկանում ու վիրավորվում ես:
– Իհարկե ոչ,- պատասխանեց աշակերտը:
– Ուրեմն ո՞ւմ ես լավություն անում, երբ բարեմտության, հանդարտության և ներման շնորհիվ քեզ լավ ես զգում:
Աշակերտն ուզում էր ինչ-որ բան պատասխանել, բայց շփոթմունքից այդպես էլ ոչ մի բառ չկարողացավ ասել:
– Հիշիր՝ քեզնից է կախված, թե ինչ կընտրես՝ վիրավորանք կամ ներում, տառապանք կամ երջանկություն: Ընտրությունը քոնն է:
– Բայց ինչպե՞ս չվիրավորվել, ախր դա այնքան դժվար է:
– Կարևորը հասկանալն է, որ ամեն անգամ, երբ կուզենաս որևէ մեկին դատելու կամ վիրավորանքի մտրակով հարվածել, առաջինը, ում վեր բարձրացնելիս կդիպչի մտրակդ՝ դու կլինես:
Ռուսերենից թարգմանությունը՝ Էմիլիա Ապիցարյանի
