Որ սննդամթերքն է վտանգավոր ուտել դատարկ ստամոքսին
Սննդաբանները նշել են այն սնունդը, որը վտանգավոր է ուտել դատարկ ստամոքսին: Այս մասին հայտնում է 74.ru հրատարակությունը՝ հղում կատարելով ռուս գիտնականների ուսումնասիրությանը:
Առավոտյան ջուր խմելու սովորությունը համարվում է օգտակար, այնուամենայնիվ, մասնագետների կարծիքով, դա կարող է նույնիսկ քաղցկեղի պատճառ դառնալ: Դա բացատրվում էր ջերմաստիճանով: Սառը ջուրը դատարկ ստամոքսին խորհուրդ չի տրվում ստամոքսի կամ սրտանոթային համակարգի հիվանդություններ ունեցող մարդկանց: 65 աստիճանից բարձր ջերմաստիճան ունեցող ջուրը պարբերաբար խմելու դեպքում վնասում է լորձաթաղանթը, իսկ հաճախակի այրվածքներն առաջացնում են աննորմալ բջիջներ, որոնք, ի վերջո, կարող են չարորակ դառնալ:
Սուրճը, ըստ գիտնականների, խթանում է ստամոքսում թթվի ավելացումը և գրգռում է ստամոքսի լորձաթաղանթը, որն առաջացնում է սրտխառնոց և այրոց: Գրգռված աղիքի համախտանիշ ունեցող մարդկանց մոտ սուրճը կարող է վատթարացնել ախտանշանները՝ որովայնի սպազմեր, վքածություն և մարսողական խանգարումներ ու գազեր:
Նշվում է, որ օրգանիզմը մեծ էներգիա է ծախսում միսը, ինչպես նաև ցանկացած կենդանական սպիտակուց մարսելու վրա: Հացաբուլկեղեն և ալյուրով պատրաստված ուտելիքներ նույնպես խորհուրդ չի տրվում ուտել դատարկ ստամոքսին: Սննդաբաններն այս սնունդն անվանում են «ճարպակալման ուղիղ ուղի»: Դա կարող է առաջացնել նաև արյան շաքարի բարձրացում:
Խորհուրդ չի տրվում հյութեր խմել դատարկ ստամոքսին, քանի որ դրանք բջջանյութից զուրկ են. դա կարող է ուժեղ հարված հասցնել ենթաստամոքսային գեղձին: Բացի այդ, սոված օրգանիզմն այդ ըմպելիքն ընկալում է որպես սնունդ և սկսում է զգալի քանակությամբ ինսուլին արտադրել:
Թթու մրգերն ու հատապտուղները պարունակում են բազմաթիվ թթուներ, որոնք կարող են վնասակար լինել սոված փորին ուտելիս: Դատարկ ստամոքս ընկնելու դեպքում դրանք կարող են այրոց առաջացնել և հանգեցնել ալերգիայի, խոցերի կամ գաստրիտի: Սննդաբանները չեն ուսումնասիրել բանջարեղենի առանձին տեսակներ, քանի որ, նրանց կարծիքով, վնասակար կարող են լինել գրեթե բոլորը դատարկ ստամոքսին ուտելու դեպքում։
